GWINOEDD O
ANSAWDD EITHRIADOL

Croeso i Gymdeithas Gwinllannoedd Cymru
Mae Cymdeithas Gwinllannoedd Cymru yn un o saith cymdeithas ranbarthol sy'n rhychwantu ardaloedd tyfu gwin Cymru a Lloegr ac mae'n rhan o 'Wines of Great Britain Limited'. Crëwyd Cymru – sef y rhanbarth mwyaf newydd i WineGB – yn 2013 ac mae’n darparu cymorth a chyngor i wneuthurwyr gwin, gwinllannoedd a gwinwyddwyr ledled y wlad.

Gall Cymru frolio bod y winllan fasnachol gyntaf yn y DU wedi’i phlannu gan yr Arglwydd Bute yng Nghastell Coch yn y 1870au. Mae ein gwinllannoedd bellach wedi eu lleoli o Gas-gwent yn y de i Gonwy yn y gogledd, Mynwy yn y dwyrain ac Aberaeron yn y gorllewin. Cynhyrchir tua 100,000 o boteli'r flwyddyn ar hyn o bryd a disgwylir i hyn dyfu i tua 200,000 erbyn 2025, wedi'i ysgogi gan ehangu gwinllannoedd a phlanhigion newydd.

Mae’r gwinoedd o safon sy’n cael eu cynhyrchu gan winllannoedd Cymru wedi ennill llawer o wobrau mewn cystadlaethau sy’n amrywio o Gwin Cymreig y Flwyddyn hyd at gystadlaethau rhyngwladol fel Decanter a International Wine Challenge. Mae llawer o’r gwinllannoedd hefyd yn gweld twristiaeth yn rhan allweddol o’u busnes ac yn croesawu ymwelwyr i’w cyfleusterau.

Mae Cymdeithas Gwinllannoedd Cymru wedi derbyn cefnogaeth gan lywodraeth Cymru mewn sawl ffordd. Wrth iddi gychwyn ar ei thaith, derbyniwyd cefnogaeth gan yr Is-adran Bwyd a Diod – bu hyn yn fodd i greu Llwybr Gwin i Gymru ac roedd yn cynnwys gwefan www.winetrailwales.co.uk, cyfryngau cymdeithasol a thaflen y gallai pob aelod ei dosbarthu yn drws eu seler ac ati. Yna dechreuodd Cyswllt Ffermio gefnogi'r gwinllannoedd yn 2017 gyda sesiynau trosglwyddo gwybodaeth gwerthfawr. Roedd y rhain yn cynnwys arbenigwyr o’r diwydiant yn rhannu eu profiadau a’u sgiliau busnes ag aelodau’r Gymdeithas ac mae rhai o’r sesiynau dysgu hynny hefyd wedi’u gosod ar wefan Cyswllt Ffermio ac yn hygyrch i bawb.

Yn 2018 cododd gwin Cymru ei broffil i lefel uwch eto gyda chefnogaeth gan Glwstwr Diodydd Bwyd a Diod Cymru. Bu chwe gwinllan o Gymru yn arddangos eu gwinoedd yn y ddau ddigwyddiad masnach win a’r wasg mwyaf a gynhaliwyd yn y DU – Ffair Wanwyn Frenhinol Cymru a phrif ddigwyddiad yr haf, Sioe Frenhinol Cymru.

Mae’r dyfodol yn edrych yn “Rosé” i Gymdeithas Gwinllannoedd Cymru wrth iddi dyfu. Ar ôl cwmpasu llawer o dir yn y pum mlynedd gyntaf, mae'n amser cyffrous i gymryd rhan.

Mae’r wefan hon yn fan cychwyn perffaith i’r rhai sydd am ymweld â gwinllan Gymreig lle gallwch chi gwrdd â’r merched a’r dynion sy’n taflu eu calonnau, eu pennau a’u heneidiau i’w gwaith trwy gydol y flwyddyn.